"Qarabağ" bu gün "Ludoqorets"in qonağı olacaq

“Qarabağ” komandası bu gün Çempionlar liqasında növbəti matçına çıxacaq.

Təmsilçimiz 1-2 hesabı ilə uduzduğu görüşün revanşında Bolqarıstanın “Ludoqorets” klubunun qonağı olacaq.

Razqrad şəhərində keçiriləcək qarşılaşmanın start fiti saat 22:00-da veriləcək. Oyunun baş hakimi isə italiyalı Simon Sozza olacaq.

Qeyd edək ki, “Qarabağ” iki matçın yekununda “Ludoqorets”dən güclü olacağı təqdirdə pley-offda Xorvatiya çempionu “Dinamo Zaqreb”lə üz-üzə gələcək.