Pleyeri seçin:
"Qarabağ" Çempionlar Liqasında növbəti oyuna çıxıb
“Qarabağ” klubu UEFA Çempionlar Liqasının III təsnifat mərhələsində ilk matçına çıxıb.
“Köhlən atlar” doğma meydanlarında Bolqarıstanın “Ludoqorets” kollektivi ilə üz-üzə gəlib.
Görüşün ilk hissəsində qapılar önündə qol vəziyyətləri yaransa da, hesab açılmayıb. İkinci yarıda qonaqlar fərqlənməyi bacarıblar.
56-cı dəqiqədə Diniş Almeyda qapını dəqiq nişan alıb. Ağdam təmsilçisi 65-ci dəqiqədə tarazlığı bərpa edib. Olavio Juninyo azarkeşləri sevindirib. Lakin görüşdə son nöqtəni Bolqarıstan kollektivi qoyub. 87-ci dəqiqədə Kayo Vidal hədəfi dəqiq nişan alıb.
Cəmi 2 dəqiqə sonra Vidal qırmızı vərəqə ilə meydandan qovulub. Rəqib azlıqda qaldıqdan sonra “Qarabağ” məğlubiyyətdən xilas olmağa çalışsa da, bu mümkün olmayıb.
Qeyd edək ki, “Qarabağ” və “Ludoqorets” arasında cavab oyunu avqustun 13-ü Bolqarıstanda olacaq. Komandamız mərhələ adlayacağı təqdirdə pley-offda Xorvatiyanın “Dinamo Zaqreb” klubu ilə üz-üzə gələcək.
Kopyalandı
Seçilmişlər
