"Qarabağ" heyətini yeni futbolçu ilə gücləndirib

Xəbər verdiyimiz kimi, xorvatiyalı qapıçı Fabiyan Buntiçlə danışıqlar aparan “Qarabağ” klubu futbolçunun keçidini rəsmiləşdirib.

Ağdam təmsilçisindən verilən məlumata görə, 27 yaşlı qolkiperlə 3 illik müqavilə imzalanıb. Bununla da Fabiyan 2027-ci ilədək “köhlən atlar”ın şərəfini qoruyacaq.

Qeyd edək ki, F.Buntiç son 2 mövsümü Portuqaliyanın “Vizela” klubunda keçirib. Almaniyanın “Ştutqart” kollektivinin yetirməsi olan futbolçu karyerası ərzində ölkəsinin “İnqolştadt” komandasında da çıxış edib. “İnqolştadt”ın heyətində 101 matçda 128 top buraxan Fabiyan “Vizela”da oynadığı dövrdə isə 67 görüşdə qapısında 104 qol görüb.