"Qarabağ" klubunda növbəti ayrılıq gözlənilir

“Qarabağ” klubu veteran futbolçularından Riçard Almeyda ilə yollarını ayıracaq. Bu barədə yerli mətbuatda xəbərlər paylaşılır.

İddialara görə, müqaviləsi mövsümün sonunda başa çatacaq oyunçuya yeni sözləşmə təklif olunmayacaq. Bildirilir ki, Riçard növbəti mövsüm üçün məşqçilər korpusunun planlarına daxil deyil.

Qeyd edək ki, R.Almeyda müxtəlif fasilələrlə 2012-ci ildən “Qarabağ”ın formasını geyinir. Bu müddət ərzində ağdamlıların heyətində 306 matça çıxan yarımmüdafiəçi 55 qol vurub. Komandanın uğurlarında əsas pay sahiblərindən olan Riçard klubla 8 dəfə Azərbaycan çempionatında qalib gəlməklə yanaşı, 3 dəfə ölkə kubokunda qələbə qazanıb.