"Qarabağ" komandası doğma meydanda növbəti oyununa çıxıb

“Qarabağ” klubu UEFA Avropa liqasında ikinci matçına çıxıb.

“Köhlən Atlar” Liqa mərhələsinin ikinci turunda İsveçin “Malmö” kollektivi ilə üz-üzə gəlib.

Tofiq Bəhramov adına Respublika Stadionunda keçirilən görüşdə azarkeşlər 3 qol görüblər. Matçda hesabı təmsilçimiz açıb. 15-ci dəqiqədə Olavio Juninyo hədəfi dəqiq nişan alıb. 4 dəqiqə sonra isveçlilər tarazlığı bərpa ediblər. Erik Botheim ağdamlıların qapısına yol tapıb. Tərəflər fasiləyə bərabərliklə yollanıblar.

İkinci yarıda “Malmö” daha bir topu “Qarabağ”ın qapısına göndərib. E.Botheim dublunu rəsmiləşdirib. “Köhlən atlar” son dəqiqələrə qədər məğlubiyyətdən xilas olmağa çalışsa da bu mümkün olmayıb. “Qarabağ” – “Malmö”: 1-2.

Qeyd edək ki, “Qarabağ” növbəti turda Niderland təmsilçisi “Ayaks”la qarşılaşacaq. Görüş oktyabrın 24-ü Bakıda keçiriləcək.