"Qarabağ"ın aparıcı futbolçusu komandadan gedir?

“Qarabağ”ın əsas futbolçularından Redon Cica klubdan ayrıla bilər.

Yerli mediada yayılan məlumata görə, “Tirana” kollektivi 25 yaşlı hücumçunu heyətinə qaytarmaq niyyətindədir. Bildirilir ki, Albaniya təmsilçisi “Qarabağ”la müqaviləsi 2026-cı ilə qədər olan Cicanı icarə əsasında komandaya gətirməyi planlaşdırır.

Maraqlıdır ki, Redon “Zirə” klubunun da diqqət mərkəzindədir. Son xəbərlərə görə, forvard yekun qərarını qış transfer pəncərəsinin sonunadək verəcək.

Qeyd edək ki, Redon Cica 2023-cü ilin yanvarından “Qarabağ”ın formasını geyinir. Bu müddət ərzində 38 matça çıxan və 7 qolla yadda qalan oyunçu ötən mövsüm “köhlən atlar”la ölkə çempionatında da qələbə qazanıb.