"Qarabağ"ın baş məşqçisi sərmayədarlara niyə çağırış etdi?

"Qarabağ" futbol klubunun baş məşqçisi Qurban Qurbanov Azərbaycan futbolunun inkişafı və rəqabət qabiliyyətinin artırılması məqsədilə iş adamlarına və potensial sərmayədarlara mühüm çağırış edib. Baku TV-nin süjetində Qurbanovun digər klublara investisiya qoyuluşunun vacibliyi barədə fikirləri yer alıb. Baş məşqçi bildirib ki, güclü çempionat və beynəlxalq arenada davamlı uğurlar üçün yalnız bir klubun deyil, bir neçə rəqabətədavamlı komandanın olması şərtdir. O, sərmayədarları idman sektoruna daha cəsarətlə daxil olmağa, infrastrukturun təkmilləşdirilməsinə və uşaq futboluna dəstək verməyə səsləyib. Qurban Qurbanovun fikrincə, maliyyə dəstəyi artarsa, Azərbaycan klubları Avrokuboklarda daha böyük uğurlara imza ata bilər. Süjetdə həmçinin bu çağırışın daxili liqanın səviyyəsinə göstərə biləcəyi müsbət təsirlər analiz olunur.