"Qarabağ"ın Çempionlar Liqasındakı rəqibi bəlli oldu

Ölkəmizi UEFA Çempionlar Liqasında təmsil edəcək “Qarabağ”ın rəqibi məlum olub.

İsveçrənin Nyon şəhərində keçirilən püşkatmanın nəticələrinə görə, mübarizəyə II təsnifat mərhələsindən start verəcək “Köhlən atlar” Maltanın “Hamrun”, Cəbəllütariqin “Linkoln” cütünün qalibi ilə qarşılaşacaq.

Qeyd edək ki, I təsnifat mərhələsi iyulun 9-10-u və 16-17-də baş tutacaq. Ağdam təmsilçisi isə ilk görüşünə iyulun 23-24-ü, cavab matçına isə 30-da və ya 31-də çıxacaq. Ağdamlılar ilk qarşılaşmasını səfərdə keçirəcək.