"Qarabağ"ın əsas üzvləri klubdan ayrıla bilər

“Qarabağ”ın əsas ulduzlarından Abdullah Zubir klubdan ayrıla bilər.

Xarici mediada yayılan məlumata görə, fransalı futbolçu Səudiyyə Ərəbistanının “Ər-Riyad” komandasının maraq dairəsindədir. Bundan başqa, hələlik adı açıqlanmayan Fransa Liqa 1-inin kollektivi də Zubiri transfer etmək istəyir.

Abdullahla yanaşı, “Qarabağ”ın daha bir aparıcı üzvü Redon Cica da komandadan gedə bilər bilər. Belə ki, Türkiyənin “Ankaragücü” klubu albaniyalı forvardı qış fasiləsində icarəyə götürməyi planlaşdırır. Lakin hələ ki, keçidlə bağlı tərəflər arasında danışıqlar aparılmayıb.

Qeyd edək ki, 2018-ci ildən “Qarabağ”da çıxış edən Abdullah 208 oyunda 46 qol vurub. “Köhlən atlar”la 4 dəfə ölkə çempionu olan oyunçunun müqaviləsi isə 2024-cü ilə qədər nəzərdə tutulub. Bu ilin yanvarından Ağdam təmsilçisində top qovan Redon Cica isə 30 oyunda 7 qolun müəllifidir.