"Qarabağ"ın uğurundan sonra ölkəmiz UEFA reytinqində irəlilədi

“Qarabağ”ın Avropa liqasının pley-offunda “Braqa” üzərində qələbəsi ölkəmizə UEFA reytinqində növbəti xalları qazandırıb.

“Köhlən atlar”ın qalibiyyətindən sonra aktivimizə 0,500 əmsal əlavə olunub. Bununla da, son 5 mövsümdə qazandığımız əmsallarının sayı 19,625-ə çatıb.

Bu göstərici ilə Azərbaycan UEFA reytinqində Slovakiya ilə bərabərləşsə də, cari mövsümdə klublarımızın topladığı xallara görə bu ölkəni qabaqlayaraq 27-ci pilləyə qalxıb.