"Real Madrid" ulduz oyunçusu üçün 120 milyon avro tələb edir

Kilian Mbappe ilə müqavilə imzalamağa hazırlaşan “Real Madrid” heyətin aparıcı futbolçularından biri ilə vidalaşmağı planlaşdırır.

İspaniya KİV-də yayılan məlumata görə, söhbət Rodriqodan gedir.

Belə ki, hücum xəttini Vinisius-Mbappe-Bellinqem üçlüsü ilə formalaşdırmaq istəyən “los blankos” Rodriqonun başqa kluba transferini nəzərdən keçirir. Rəhbərlik dəyəri 90 milyon avro olan oyunçunun gedişindən 120 milyon avro qazanc əldə etmək istəyir.

Son xəbərlərə görə, Rodriqo PSJ-nin, eləcə də İngiltərənin top klublarının diqqət mərkəzindədir.

Qeyd edək ki, 2019-cu ildə 45 milyon avroya “Santos”dan cəlb olunan Rodriqo bütün yarışlarda 203 oyunda 50 qol və 40 məhsuldar ötürmə müəllifidir. 2 dəfə La Liqada, 3 dəfə isə Super Kubokda qalib gələn vinger Çempionlar Liqası, UEFA Super Kuboku, klublararası dünya çempionatı və İspaniya Super Kubokunda da qələbə qazanıb.