"Real Madrid"in ulduzu bu səbəbdən cəzalandırılıb

“Real Madrid”in braziliyalı ulduzu Vinisius Junior cəzalandırılıb.

24 yaşlı futbolçu “Valensiya”nın qapıçısı Stole Dmitriyevskini itələdiyinə görə 2 oyunluq diskvalifikasiya olunub.

Belə ki, La Liqanın XII turundan təxirə salınan matçda Vinisius və “Valensiya”nın qapıçısı arasında insident yaşanıb. Epizodun davamında braziliyalı vinger qolkiperi itələyərək yerə yıxıb.

Nəticədə baş hakim Sesar Soto Qrado Viniyə birbaşa qırmızı vərəqə göstərib. Bu hadisəyə görə “Real” 700 min, Vinisius isə 600 min avro məbləğində cərimələnib.

Qeyd edək ki, sözügedən insidentin baş verdiyi qarşılaşma “kral klubu”nun 2-1 hesablı qələbəsi ilə yekunlaşıb. Oyunda hesabı “yarasalar” açsa da, sonradan azlıqda qalan “Real” dönüş edə bilib. Luka Modriç və Cud Bellingemin qolları “los blankos”a 3 xal qazandırıb. Bu nəticədən sonra 43 xalı olan Madrid komandası La Liqada liderliyə yüksəlib. Klub 2-ci yerdəki “Atletiko”nu 2, 3-cü pillədə olan “Barselona”nı isə 5 xal qabaqlayır.