"Real" Kilian Mbappenin yerinə bu futbolçunu transfer edəcək

Uzun illərdir Kilian Mbappeni heyətinə qatmaq istəyən “Real Madrid”in arzusu bu dəfə də baş tutmaya bilər.

Xarici mediada yayılan məlumata görə, “kral klubu” hazırda K.Mbappenin qərar verməsini gözləyir. 25 yaşlı forvard mövsümün sonunda başa çatacaq müqaviləsini uzadaraq PSJ-də qalmağa qərar versə, “los blankos” diqqətini İtaliyaya yönəldəcək.

Son xəbərlərə görə, “Milan”ın ulduzu Rafael Leao Madrid təmsilçisinin transfer gündəmindədir. Bildirilir ki, portuqaliyalı vinger özü də “Real”a keçməkdə maraqlıdır.

Qeyd edək ki, “rossoneri” ilə sözləşməsi 2028-ci ilə qədər olan 24 yaşlı hücumçu Pari Sen-Jermen və “Nyukasl”ın da maraq dairəsindədir.