"Real" və "Mançester Siti" arasında tarixə keçəcək oyun baş tutub

10 aprel 2024 160 baxış

UEFA Çempionlar liqasında 1/4 final mərhələsinə start verilib.

Gecənin ən maraqlı görüşü İspaniyada keçirilib. “Real Madrid” – “Mançester Siti” qarşılaşmasında 6 qol vurulub. Hesabı artıq 2-ci dəqiqədə Bernardu Silva açıb. Lakin “şəhərlilər”in sevinci çox çəkməyib. 12-ci dəqiqədə Ruben Diaş topu komandasının qapısına göndərib. 2 dəqiqə sonra isə Rodriqo “Real”ı irəli çıxarıb: 2-1.

İlk hissə bu hesabla yekunlaşıb. Fasilədən sonra təzyiqi artıran “şəhərlilər” 66-cı dəqiqədə tarazlığı bərpa ediblər. Fil Foden hədəfi dəqiq nişan alıb. 5 dəqiqə sonra isə Yoşka Qvardiol “Mançester Siti”yə üstünlük qazandırıb: 3-2.

Bununla belə “Real” məğlubiyyətdən xilas olmağı bacarıb. 79-cu dəqiqədə Fedriko Valverdenin zərbəsi dəqiq olub. Qalan vaxtda başqa qol qeydə alınmayıb və görüş 3-3 hesabı ilə yekunlaşıb.

Qeyd edək ki, bu komandalar arasında 1/4 final mərhələsinin cavab qarşılaşması aprelin 17-si İngiltərədə keçiriləcək.

#Real Madrid FK