Pleyeri seçin:
"Real"ın türkiyəli ulduzu Arda Gülər növbəti dəfə diqqət mərkəzində
“Real Madrid”in türkiyəli üzvü Arda Gülər La Liqada 23 yaşadək futbolçular arasında dekabr ayının ən yaxşı oyunçusu seçilib.
19 yaşlı yarımmüdafiəçinin ay ərzində inamlı çıxışı onun bu ada layiq görülməsinə kömək edib.
Dekabrda çempionatda 5 görüş keçirən Arda cəmi 1 qol və 2 məhsuldar ötürmə müəllifi olsa da, onun oyunu yaxşı qiymətləndirilib.
“Real”ın “Jirona”nı 3-0 hesabı ilə məğlub etdiyi matçda qol vuran A.Gülər “Rayo Valyekano” ilə 3-3 hesablı sülhün qeydə alındığı qarşılaşmada 2 dəfə komanda yoldaşlarının fərqlənməsinə kömək edib. Ümumilikdə Arda cari mövsümdə bütün yarışlarda 20 matça qatılıb.
Kopyalandı
