İdman
Pleyeri seçin:
"Real"ın ulduzu Arda Gülərdən növbəti şou
“Real Madrid”in türkiyəli ulduzu Arda Gülər növbəti dəfə parlaq oyunu ilə diqqət çəkib.
19 yaşlı futbolçu La liqanın 37-ci turunda “Vilyarreal”la matçda 2 qol vurub. Görüşün startından meydanda olan Arda əvvəlcə 14-cü dəqiqədə hesabı açıb. Fasilə ərəfəsində isə A.Gülər özünün 2-ci, komandasının 4-cü qolunu vurub.
“Vilyarreal”ın stadionunda keçirilən qarşılaşma 4-4 hesabı ilə bitsə də, Ardanın möhtəşəm çıxışı həm jurnalistlər, həm də mütəxəssislər tərəfindən yüksək qiymətləndirilib. Onlar Luka Modriçin xələfi adlandırılan Gülərin yaxın gələcəkdə “Real”ın lideri olacağına əminlik ifadə ediblər.
Qeyd edək ki, bütün yarışlarda 12-ci dəfə “kral klubu”nun formasının geyinən türkiyəli futbolçu artıq qollarının sayını 6-ya çatdırıb.
Kopyalandı
Seçilmişlər
