"Sabah" klubu yeni baş məşqçisinin adını açıqlayıb

“Sabah” klubunda yeni baş məşqçinin adına aydınlıq gəlib.

“Bayquşlar” bu posta rusiyalı mütəxəssis Vasili Berezutskini təyin edib.

Daha əvvəl Niderlandın “Vitess”, Rusiyanın ÇSKA və “Krasnodar”, eləcə də Çinin “Şanxay Şenxua” komandalarında işləyən 42 yaşlı çalışdırıcı ilə 2 il yarımlıq müqavilə imzalanıb.

Qeyd edək ki, futbolçu karyerasını 2018-ci ildə başa vuran V.Berezutski əsasən Moskva ÇSKA-sındakı çıxışı ilə tanınır. Bu kollektivlə 6 dəfə Rusiya çempionu olan sabiq müdafiəçi ölkə Kubokunda 7, Super Kubokda isə 6 dəfə qalib gəlib. Uzun illər Rusiya millisinə də çağırılan V.Berezutski 101 matçda 5 qolla yadda qalıb.

Əlavə edək ki, Vasili Berezutski “Sabah”la müqaviləsinə qarşılıqlı razılıq əsasında xitam verilən Krunoslav Renduliçin yerinə təyin olunub. 14 turdan sonra 19 xal toplayan “tələbələr” hazırda yarış cədvəlində 5-ci pillədə qərarlaşıb.