"Zirə" 2-ci turun matçında 2 qolla qələbə qazandı

Azərbaycan çempionatında 2-ci turun mərkəzi görüşü “Sabah” və “Zirə” komandaları arasında olub.

Ölkəmizi Konfrans liqasında təmsil edən klubların matçında fasiləyədək qol olmayıb.

Oyunda hesabı “qartallar” açıblar. 50-ci dəqiqədə Rafael Utziq “Zirə”yə üstünlük qazandırıb. Çox keçmədən “bayquşlar” qarşılaşmaya 2-ci dəfə mərkəzdən başlamalı olublar. Bu dəfə Salifu Suma hədəfi dəqiq nişan alıb.

Qalan vaxtda “Sabah” vəziyyəti xilas etməyə çalışsa da, səyləri nəticə verməyib. Görüş “Zirə”nin 2-0 hesablı qələbəsi ilə yekunlaşıb. Bununla da, baş məşqçi Rəşad Sadıqovun futbolçuları ardıcıl 2-ci oyunu qalib tamamlayıblar.

Qeyd edək ki, “qartallar” Premyer liqanın 3-cü turunda “Araz-Naxçıvan”ı qəbul edəcək. “Sabah” isə “Neftçi”nin qonağı olacaq.