Qurban Qurbanov : “Futbolçularımdan razı qaldım”

“Futbolçular meydanda qalib gəlmək üçün hər şeyi etdilər. Sadəcə penaltilər seriyasında uduzduq. Futbolçularımdan razı qaldım”.

Bunu “Qarabağ”ın baş məşqçisi Qurban Qurbanov Konfrans Liqasının pley-off mərhələsinin “Gent”lə Belçikadakı səfər oyunundan qayıdarkən qarşılama mərasimində jurnalistlərə açıqlaması zamanı deyib.

Q.Qurbanov məğlubiyyətin səbəbinə aydınlıq gətirib: “Dəfələrlə deyirəm ki, belə oyunlar, belə nəticələr klubun gələcəyi üçün ancaq faydalıdır. Futbol bir daha göstərdi ki, belə böyük turnirlərdə 90 dəqiqə yox, 120 dəqiqə hazır olmaq lazımdır”.