Qurban Qurbanov Juninyonun zədəsindən danışıb

“Ola bilər ki, əzələsində problem yaranıb. Tezliklə dəqiq bilinəcək. Həkimlərin dediyinə görə, Juninyoda 70% ehtimalla yorğunluq yox, zədədir”.

Bu sözləri “Qarabağ”ın baş məşqçisi Qurban Qurbanov “Bayer”lə matçda zədələnən Juninyonun vəziyyəti ilə bağlı məlumat verərkən deyib.

Qeyd edək ki, “Leverkuzen” klubu ilə görüşdə “köhlən atlar”ın 2-ci qolunu vuran braziliyalı futbolçu 83-cü dəqiqədə zədələnərək meydanı tərk edib.