Qurban Qurbanov uşağın arzusunu reallaşdırdı

Premyer Liqada 21-ci turun “Kəpəz”-“Qarabağ” oyunundan sonra maraqlı anlar yaşanıb.

Gəncə Təhsil İdman Mərkəzinin azyaşlı üzvü “Qarabağ”ın futbolçularını görmək istəsə də, ona icazə verilməyib. Hadisədən xəbər tutan baş məşqçi Qurban Qurbanov isə uşaqla görüşüb və onunla şəkil çəkdirib. Göz yaşlarını saxlaya bilməyən balaca futbolçu təcrübəli mütəxəssisə “Çox sağolun, müəllim” deyərək, təşəkkür edib.

Qeyd edək ki, Qurban Qurbanov “Kəpəz”lə matçdan əvvəl Vətən müharibəsi zamanı Gəncəyə raket zərbəsindən zərər çəkən uşaqlarla da görüşmüşdü.