Qurban Qurbanov Xabi Alonsonun məşq prosesini izləyib

Xəbər verdiyimiz kimi, “Qarabağ”ın baş məşqçisi Qurban Qurbanov Almaniya Bundesliqasının lideri “Bayer”in düşərgəsində olub.

Komandanın məşqini izləyən təcrübəli mütəxəssis leverkuzenlilərin çalışdırıcısı Xabi Alonso ilə söhbət edib.

Qeyd edək ki, Qurban Qurbanovun Almaniyaya səfərinin məqsədi cari mövsüm inamlı çıxış edən “Bayer”in hazırlıq prosesi, eləcə də Xabi Alonsonun məşq metodları ilə yaxından tanış olmaqdır. Bundan başqa, azərbaycanlı çalışdırıcı Alonsonun vaxtilə futbolçu kimi çıxış etdiyi klublarda işləyən məşqçilərin iş prinsipləri ilə də maraqlanmaq niyyətindədir.