Qurban Qurbanovdan Kevin Medina ilə bağlı açıqlama

“Qarabağ”ın baş məşqçisi Qurban Qurbanov Avropa Liqasının 1/8 final mərhələsində qarşılaşacaqları “Bayer” ilə cavab matçı üçün Almaniyaya yollanarkən Heydər Əliyev Beynəlxalq Hava Limanında jurnalistlərə açıqlama verib.

O, “Qarabağ”ın zədəli və cəzalı futbolçuları barədə də danışıb.

Bildirib ki, oyunun gedişatından asılı olaraq Kevin Medina da meydana çıxa bilər:

“Təbii ki, ehtiyac yaransa, bu addımı atacağıq. Amma o, hələ də öz formasında deyil. Bu cür sürətli matçlarda əziyyət çəkə bilər. Digərlərinin də qayıtması isə əlavə üstünlükdür. İstənilən an bəzi rotasiyalar edə bilərik”.