Pleyeri seçin:
Qvardiola dünya nəhəngi ilə danışıqlar aparır
Dünyaca məşhur mütəxəssis Xosep Qvardiola yenidən “Bavariya”nın sükanı arxasına keçə bilər.
Almaniya mətbuatında yayılan məlumata görə, hazırkı baş məşqçi Tomas Tuxellə vidalaşmağa qərar verən rəhbərlik ispaniyalı çalışdırıcını komandaya qaytarmaq niyyətindədir. Bildirilib ki, münhenlilər hazırda Xoseplə danışıqlar aparır.
Qeyd edək ki, daha əvvəl mediada X.Qvardiolanın 2025-ci ilin yayında “Mançester Siti”dən ayrılacağı bildirilirdi. Bundan başqa, təcrübəli mütəxəssisin “Barselona”nın da maraq dairəsində olduğu vurğulanır.
Xatırladaq ki, Xosep Qvardiola daha əvvəl 2013-2016-cı illərdə “Bavariya”nı çalışdırıb. “Rekordmayster”lə 3 dəfə Bundesliqanı qazanan mütəxəssis ölkə Kuboku və Super Kubokunda, eləcə də klublararası dünya çempionatında qalib gəlib.
Əlavə edək ki, “Bavariya” X.Qvardiola ilə yanaşı, Yulian Nagelsman, Ralf Ranqnik, Zinəddin Zidan və Xabi Alonsonun namizədliyini nəzərdən keçirsə də, bu məşqçilərdən rədd cavabı alıb.
Kopyalandı
Seçilmişlər
