Rafael Fiziyev və Nazim Sadıxovun UFC-də rəqibləri məlumdur

25 aprel 2025 423 baxış

Azərbaycanlı döyüşçülərin iyunun 21-də Bakıda keçiriləcək “UFC 260” turnirindəki rəqibləri bəlli olub.

Yüngül çəkidə döyüşən Nazim Sadıxov braziliyalı döyüşçü Nikolas Motta ilə qarşılaşacaq. UFC-də çıxış edən digər azərbaycanlı idmançı Rafael Fiziyevin rəqibinin isə Çili təmsilçisi İqnasio Baxamondesin olacağı gözlənilir.

30 yaşlı N.Sadıxov sonuncu dəfə bu ilin fevralında digər braziliyalı İsmael Bonfimə texniki nokautla qalib gəlib. Onun hesabında 10 qələbə var ki, onlardan 9-u vaxtından əvvəl əldə olunub. R.Fiziyev isə son döyüşünü uğursuz keçirib. O, Castin Qeydji ilə revanş qarşılaşmasının 3-cü raundunda məğlubiyyətlə barışıb.

Nazim Sadıxovun qarşılaşacağı “dəmir” ləqəbli N.Motta keçirdiyi 20 döyüşün 15-də qalib gəlib. R.Fiziyevə rəqib olacağı gözlənilən İ.Baxamondesin aktivində 17 qələbə var. “Qəfəs” ləqəbli döyüşçü 5 dəfə oktaqonu məğlub tərk edib.

#Rafael Fiziyev