Ramil Şeydayev Qurban Qurbanovu kövrəldib

Premyer Liqada sonuncu – 36-cı turun “Qarabağ” - “Turan Tovuz” matçından sonra çempionatda qalib gələn “köhlən atlar”ın mükafatlandırılması zamanı təsirli anlar yaşanıb.

“Qarabağ”ın baş məşqçisi Qurban Qurbanov komandadan ayrılması gözlənilən Ramil Şeydayevi qucaqlayaraq kövrəlib.

Qeyd edək ki, son günlər KİV-də Ramil Şeydayevin Tailandın "Buriram Yunayted" klubuna keçməsi ilə bağlı xəbərlər paylaşılır. “Qarabağ”la sözləşməsi mövsümün sonunda başa çatacaq 27 yaşlı hücumçunun "Buriram Yunayted"lə 2 illik müqavilə imzalayacağı gözlənilir.