“Real Madrid” Türkiyədən daha bir futbolçu alır

Ötən ilin yayında “Fənərbağça”nın gənc ulduzu Arda Güləri heyətinə qatan “Real Madrid” daha bir türk futbolçu üçün hərəkətə keçib.

“Kral klubu” “Trabzonspor”un gənc qapıçısı Onuralp Çevikkanı transfer etməyi planlaşdırır. İddia olunur ki, İspaniya nəhəngi 18 yaşlı qolkiper üçün Trabzon təmsilçisinə 10 milyon avroluq təklif göndərib. Hazırda klubların rəhbərləri arasında danışıqlar davam edir.

Qeyd edək ki, “Trabzonspor” Onuralp Çevikkanı ötən ilin yayında 700 min avroya “Altınordu”dan heyətinə qatıb. Bu mövsüm Super Liqada 5, Türkiyə Kubokunda isə 1 matça çıxan Onuralp əsasən 19 yaşadək futbolçulardan ibarət komandada oynayır. Gənclərdən ibarət kollektivdə 8 qarşılaşmada iştirak edən Çevikkan bu görüşlərdə 9 top buraxıb.