Riçard Almeyda “Qarabağ”dan ayrılır?

“Qarabağ” klubunun aparıcı futbolçularından Riçard Almeyda komandası ilə yeni müqavilə imzalamağa yaxındır.

Son xəbərlərə əsasən, Ağdam təmsilçisi sözləşməsi yayadək nəzərdə tutulan 33 yaşlı oyunçuya yeni razılaşma təklif etməyə hazırlaşır. Artıq tərəflər bununla əlaqədar danışıqlara start veriblər.

Qeyd edək ki, Riçard ilk dəfə 2012-ci ildə “köhlən atlar”a transfer olunub. Həmin vaxt “Qarabağ” onun keçidi üçün Braziliyanın “Santu-Andre” kollektivinə 1,28 milyon avro ödəmişdi. 2018-ci ilədək komandada olan Almeyda sonradan Qazaxıstanın “Astana” klubuna qoşulsa da, artıq 2019-cu ilin yanvarında icarə əsasında “Qarabağ”a qayıdıb. Təcrübəli yarımmüdafiəçi daha sonra Birləşmiş Ərəb Əmirliklərinin “Bani Yas” kollektivinə keçsə də, 2020-ci ilin oktyabrında oradan ayrılaraq “Zirə” komandası ilə müqavilə imzalayıb. Burada 1 mövsüm top qovduqdan sonra isə 2021-ci ilin yayında azad agent kimi “Qarabağ”a keçib.