Ronaldonun klubu "Real"ın ulduzuna 100 milyon təklif edir

12 iyun 2024

Kriştiano Ronaldonun şərəfini qoruduğu “Əl-Nəsr” klubu daha bir ulduz futbolçunu heyətə qatmaq istəyir.

Səudiyyə Ərəbistanı təmsilçisi “Real”ın müdafiəçisi Antonio Rüdigerə fantastik təklif göndərib.

İspaniya mətbuatı iddia edir ki, “Əl-Nəsr” 31 yaşlı oyunçuya 4 il ərzində 100 milyon avro ödəməyə hazırdır. Lakin A.Rüdiger bu təklifi qəbul etməyi planlaşdırmır. Təcrübəli müdafiəçi özünü “Real”da xoşbəxt hiss etdiyi üçün komandadan getmək istəmir.

Qeyd edək ki, Antonio 2022-ci ilin yayından “los blankos”un formasını geyinir. “Kral klubu”nun heyətində ümumən 101 görüşə çıxan A.Rüdiger geridə qalan mövsümdə kollektivin uğurlarında vacib pay sahibi olub. “Mançester Siti” ilə matçda penaltini dəqiq yerinə yetirən futbolçu “Real”ın Çempionlar Liqasını qazanmasında vacib rol oynayıb.

Bundan başqa, Antonio Madrid təmsilçisi ilə İspaniya çempionatı, Kuboku və Super Kuboku, UEFA Super Kuboku və klublararası dünya çempionatında qalib gəlib.

#Səudiyyə Ərəbistanı