“Sabah” klubu “Makkabi”ni qəbul edib

Ölkəmizi UEFA Konfrans Liqasında təmsil edən “Sabah” növbəti görüşünə çıxıb.

“Bayquşlar” II təsnifat mərhələsi çərçivəsində İsrailin “Makkabi Hayfa” kollektivini qəbul edib.

Fasiləyə qonaqlar David Hazizanın qolu sayəsində irəlidə yollanıblar. 2-ci hissədə “Sabah” 2 dəfə Hayfa klubunun qapısına yol tapıb. Pavel Şafranko və Kahim Parris azarkeşləri sevindiriblər. “Makkabi” isə buna cavab olaraq 4 qol vurub.

Qarşılaşmanın əsas vaxtı İsrail təmsilçisinin 5-2 hesablı üstünlüyü ilə bitib. Tərəflər arasında ilk görüş komandamızın 3-0 hesablı qələbəsi ilə yekunlaşdığı üçün əlavə vaxta ehtiyac yaranıb. Burada klublar hərəyə bir dəfə fərqləniblər. “Sabah”dan Mikels, “Makkabi”dən isə David hədəfi dəqiq nişan alıb.

Əlavə vaxtın sonunda hesab 6-6 olduğundan, 11 metrlik zərbələr yerinə yetirilib. Burada isə “Sabah” futbolçuları daha dəqiq olublar.

Beləliklə, III təsnifat mərhələsinə adlayan “bayquşlar” İrlandiyanın “Sent-Patriks” kollektivinə rəqib olublar. Bu komandaların ilk oyunu avqustun 8-i İrlandiyada, cavab matçı isə 1 həftə sonra Bakıda baş tutacaq.