“Sabah” Konfrans liqasında İsrail klubu ilə qarşılaşacaq

Ölkəmizin Konfrans liqasındakı təmsilçilərindən “Sabah” klubu bu gün II təsnifat mərhələsində ilk görüşünü keçirəcək.

“Bayquşlar” Macarıstanın Kişvarda şəhərində İsrailin “Makkabi Hayfa” kollektivi ilə üz-üzə gələcək.

“Varkert” stadionunda keçiriləcək və saat 21:15-də başlayacaq oyunda ədaləti belçikalı Natan Verbomen qoruyacaq. Bu komandaların cavab qarşılaşması isə avqustun 1-i Bakıda təşkil olunacaq.

Qeyd edək ki, “Sabah”ın Konfrans liqasındakı rəqibi “Makkabi Hayfa” ölkəsinin ən titullu klublarındandır. 15 dəfə İsrail çempionatında qalib gələn kollektiv ölkə kubokunda 6, superkubokunda isə 5 dəfə qələbə qazanıb.