Şahruddin Məhəmmədəliyev “Qarabağ” klubundan ayrılıb

“Qarabağ” klubunun qapıçısı Şahruddin Məhəmmədəliyev komandadan ayrılıb.

Türkiyənin “Fanatik” nəşrində yayılan məlumata əsasən, 29 yaşlı futbolçu azad agent kimi “Adana Dəmirspor” komandasına qoşulacaq.

Bildirilir ki, artıq Şahruddinlə sözləşmə baxımından razılıq əldə olunub. O, "Adana" kollektivi ilə 2 illik müqavilə imzalayacaq. Qolkiperin çıxışından asılı olaraq əməkdaşlıq müddətini daha 1 illik uzatmaq mümkündür.

Qeyd edək ki, Şahruddin Məhəmmədəliyevin "Adana Dəmirspor"a keçidi ilə bağlı sorğumuza “Qarabağ” klubundan təsdiq cavabı verilib.