Şahruddin Məhəmmədəliyevdən Qurban Qurbanovla bağlı paylaşım

“Qarabağ”ın sabiq qapıçısı Şahruddin Məhəmmədəliyev Qurban Qurbanovla bağlı paylaşım edib.

29 yaşlı qolkiper instaqram hesabının hekayə bölümündə bu sözləri yazıb: “Mənə qarşı xoş münasibətinizi və əvəzsiz əməyinizi ifadə etməyə söz tapa bilmirəm. Hər şey üçün çox sağ olun, hoca. Allah sizdən razı olsun”.

Qeyd edək ki, Şahruddin Məhəmmədəliyev bir müddət əvvəl Türkiyənin “Adana Demirspor” klubuna qoşulub. Kollektivlə 2 illik müqavilə imzalayan Şahruddin bu gün yeni klubunun düşərgəsinə qoşulacaq.