Pleyeri seçin:
Səudiyyə Ərəbistanı ulduz futbolçularından birini itirib
Ötən ildən etibarən futbol ulduzlarının transfer olduğu Səudiyyə Ərəbistanı çempionatı əsas simalarından birini itirib.
Stiven Cerrardın çalışdırdığı “Əl-İttifaq”da çıxış edən Cordan Henderson qarşılıqlı razılıq əsasında müqaviləsinə xitam verib. İngiltərəli yarımmüdafiəçinin gedişinə əsas səbəb kimi Səudiyyə Ərəbistanına uyğunlaşa bilməməsi göstərilir.
Artıq 33 yaşlı Cordanın yeni komandası da məlumdur. Avropaya qayıtmağa qərar verən “Hendo” "Ayaks"la 2026-cı ilədək müqavilə imzalayıb. Təcrübəli futbolçu Niderland kollektivində 6 nömrəli formanı geyinəcək.
Qeyd edək ki, “Əl-İttifaq”a uzun illər çıxış etdiyi “Liverpul”dan keçən Cordan Henderson 19 matçda meydana çıxsa da, qol vurmamışdı.
Kopyalandı
Seçilmişlər
