İdman
Pleyeri seçin:
Tofiq Musayev "Bellator"da nokauta düşdü
Ölkəmizin dünyaca məşhur MMA döyüşçülərindən Tofiq Musayev “Bellator” təşkilatında 2-ci döyüşünə çıxıb. O, “Dünya Qran-prisi”nin 1/4 final mərhələsindəki qarşılaşmada rusiyalı Aleksandr Şabli ilə üz-üzə gəlib.
“Bellator 292” turniri çərçivəsində keçirilən görüş 3 raund davam edib. Belə ki, 3-cü raundda rəqibin qadağan olunan nahiyəyə zərbəsindən sonra zədələnən Tofiq mübarizəni sona qədər davam etdirə bilməyib. Belə olan halda idmançımız texniki nokautla qarşılaşmanı uduzub.
Qeyd edək ki, bu, Tofiq Musayevin MMA yarışlarında 5-ci məğlubiyyətidir. Ümumən karyerası ərzində 25 döyüşdə qüvvəsini sınayan təmsilçimiz, 16-sı nokautla olmaqla 20 dəfə qələbə qazanıb.
Kopyalandı
Seçilmişlər
