İdman
Pleyeri seçin:
Türkiyə çempionatında növbəti dəfə hakimə hücum olub
Türkiyə Super Liqasının 37-ci turunda xoşagəlməz hadisə yaşanıb.
Belə ki, "Kayserispor" və "Konyaspor" matçının 17-ci dəqiqəsində baş hakim Halil Umut Meler Kayseri təmsilçisinin futbolçusu Duknes Nazonu qırmızı vərəqə ilə meydandan uzaqlaşdırıb.
Bundan sonra hiddətlənən klub prezidenti Əli Çamlı meydançaya enərək hakimə hücum edib. Futbolçular və texniki heyətin hadisəyə müdaxiləsindən sonra prezidenti sakitləşdirmək mümkün olub. Lakin meydanda baş verən hadisə ilə əlaqədar qarşılaşma təxminən 9 dəqiqə dayanıb.
Qeyd edək ki, sözügedən oyun 2-2 hesablı bərabərliklə bitib. Meydan sahiblərinin heyətindən Karlos Mane dubl edib. “Kayserispor”dan isə Sonər Dikmən və Stiven Nzonzi fərqlənib.
Əlavə edək ki, hazırda aktivində 42 xalı olan “Kayserispor” turnir cədvəlinin 13-cü pilləsində qərarlaşıb. “Konyaspor” isə 41 xalla 15-ci yerdədir.
Kopyalandı
Seçilmişlər
