UEFA Konfrans liqası: “Zirə” - “Osiyek” matçı

16 avqust 2024 392 baxış

“Zirə” komandası UEFA Konfrans liqasında pley-offa vəsiqə qazanıb.

“Qartallar” bu uğura iki görüşün nəticəsinə əsasən “Osiyek” klubunu keçməklə nail olub.

Xorvatiya kollektivi ilə səfər matçında 1-1 hesablı sülhə razılaşan təmsilçimiz cavab oyununda ilk hissəni geridə tamamlayıb. Qonaqlardan Vedran Yuqoviç fərqlənib. 2-ci yarının əvvəlində Qismət Alıyev penaltini dəqiq yerinə yetirib: 1-1.

“Osiyek” 81-ci dəqiqədə hesabda yenidən irəli çıxsa da, 90-cı dəqiqədə David Volkov tarazlığı bərpa edib: 2-2.

Əsas və əlavə vaxt bu hesabla bitdiyindən 11 metrlik zərbələr yerinə yetirilib. Burada isə “Zirə”nin qapıçısı Tiaqo Silva 4 qurtarış edərək komandasının mərhələ adlamasına kömək edib.

Beləliklə, pley-offa yüksələn “Zirə” növbəti mərhələdə Kiprin “Omoniya” klubuna rəqib olub. Tərəflər arasında ilk qarşılaşma avqustun 22-si Kiprdə keçiriləcək. Cavab matçı isə avqustun 29-u Bakıda təşkil olunacaq.

#Zirə FK