UEFA "Qarabağ"ın oyunu ilə bağlı qərar verdi

“Qarabağ” komandasının Avropa liqasında İsveçin “Malmö” klubuna qarşı keçirəcəyi matçın hakimləri açıqlanıb.

UEFA-nın qərarına əsasən, Liqa mərhələsinin 2-ci tur qarşılaşmasını yunanıstanlı FIFA referisi Anastasios Papapetru idarə edəcək. Trifon Petropulos və Yordanis Aptosoqlu baş hakimin köməkçiləri olacaqlar.

Qeyd edək ki, oktyabrın 3-ü Tofiq Bəhramov adına Respublika Stadionunda təşkil olunacaq oyun saat 20:45-də başlayacaq.