UFC-nin yeni çempionu məlum olub

Gürcüstanlı MMA döyüşçüsü Merab Dvalişvili UFC çempionu olub.

Məşhur idmançı Las-Veqasda keçirilən “UFC 306” turnirində amerikalı Şon Omellinlə üz-üzə gəlib.

5 raund davam edən görüş gərginliyi ilə diqqət çəkib. Yekunda hakimlərin qərarına əsasən, M.Dvalişvili qələbə qazanaraq ən yüngül çəkidə kəmərin yeni sahibi olub.

Qeyd edək ki, Gürcüstanı təmsil edən Merab Dvalişvili karyerası ərzində 22 döyüş keçirib. 3-ü nokautla olmaqla 18 görüşdə qələbə qazanan idmançı 4 qarşılaşmadan məğlub ayrılıb.

Onun amerikalı rəqibi Şon Omellin isə 20 döyüşdə iştirak edib. 12-si nokautla olmaqla 18 dəfə rəqiblərinə qalib gələn Şon 2 dəfə oktaqonu məğlub tərk edib.