Xankəndi - Bakı ultra marafonunun 3-cü mərhələsi Hacıqabulda başa çatdı

Xankəndi-Bakı ultra marafonunun növbəti mərhələsi Hacıqabulda başa çatıb.

Gənclər və İdman Nazirliyindən bildirilib ki, “İdman həftəsi” çərçivəsində “Qürurla irəli!” şüarı ilə Xankəndi-Bakı ultra marafonunun 3-cü mərhələsi keçirilib. 21 nəfərin iştirakı ilə Ucardan start götürən üçüncü mərhələ 88 km məsafəni əhatə edərək Hacıqabulda başa çatıb.

Qeyd edilib ki, 17 nəfərin finişə çatdığı 3-cü mərhələdə kişilər arasında Artyom Əliyev birinci, Murat Kaya ikinci, Seymur Şahbazov üçüncü olublar. Qadınlar arasında isə finişə Moldova təmsilçisi Svetlana Şepeleva və ölkəmizi təmsil edən Leyla Abidinova çatıblar.