İdman
Pleyeri seçin:
“Yuventus” klubunda vacib dəyişiklik gözlənilir
Son mövsümlərdə əvvəlki əzəmətindən uzaq olan “Yuventus”da növbəti ayrılıq yaşanacaq.
Klub ötən yay böyük ümidlərlə baş məşqçi təyin etdiyi Tyaqo Motta ilə yolları ayıracaq.
Məşhur jurnalist Fabritsio Romanonun məlumatına görə, braziliyaəsilli italiyalı mütəxəssis mövsümün sonunadək kollektivə rəhbərlik edəcək.
Müqaviləsi 2027-ci ilədək olan Tyaqonu bu postda yalnız qalan oyunlarda qazanılacaq uğurlu nəticələr saxlaya bilər.
Qeyd edək ki, “Qoca Sinyora” son iki matçda böyük hesabla məğlub olub. Əvvəlcə evdə “Atalanta”ya 4 cavabsız topla uduzan turinlilər, növbəti turda Florensiya səfərində fiasko ilə üzləşiblər: 0-3. A Seriyasında 5-ci pillədə qərarlaşan “Yuventus” İtaliya kubokunda da mübarizəni dayandırıb. Ümumiyyətlə isə komanda T.Mottanın rəhbərliyi ilə 42 matça çıxıb. Bu görüşlərin 18-də qalib gələn Turin klubu digər oyunlarda 16 heç-heçə və 8 məğlubiyyətlə yadda qalıb.
Kopyalandı
