Azərbaycan və Özbəkistan arasında yeni tərəfdaşlıq

Azərbaycan və Özbəkistan arasında bərpa olunan enerji sektorunda əməkdaşlıq müzakirə edilib.

Bu barədə Dövlət Neft Şirkətinin prezidenti Rövşən Nəcəf “X” sosial şəbəkəsindəki hesabında yazıb.

“26-cı Özbəkistanın Neft və Qazı – OGU 2024” beynəlxalq sərgi və konfransında “Özbəkneftqaz” ASC-nin sədri Baxodirjon Sidiqovla məhsuldar görüşümüz oldu.

Tədbirdə ikitərəfli əlaqələrin uğurlu inkişafını, eləcə də insan kapitalı, bərpa olunan enerji, innovasiya və rəqəmsallaşma sahələrində mövcud və perspektivli əməkdaşlıq imkanlarını müzakirə etdik. Qarşılıqlı maraq doğuran müxtəlif məsələlər ətrafında fikir mübadiləsi apardıq”, – R.Nəcəf qeyd edib.