Azərbaycandan Suriyaya nə qədər təbii qaz nəql edilib? - Baku TV

2025-ci ildə Azərbaycan Suriyaya yarım milyard kubmetr təbii qaz ixrac edib.

Bu barədə Energetika Nazirliyinin 2025-ci il üzrə açıqladığı operativ məlumatlarında deyilir.

Ümumilikdə isə 2025-ci ildə Azərbaycandan xaricə qaz satışı 25,2 milyard kubmetr təşkil edib ki, bu da daha əvvəlki ildəki göstərici ilə müqayisədə eyni səviyyədə qalıb.

2025-ci ildə Azərbaycan Avropaya 12,8 milyard kubmetr təbii qaz ixrac edib. Bu, 2024-cü ilin göstəriciləri ilə müqayisədə 0,1 milyard kubmetr və ya 0,8% azdır.

Qeyd edək ki, Azərbaycan Dövlət Neft Şirkəti (SOCAR) ilə Suriya hökuməti arasında imzalanmış sənədə əsasən, ilkin mərhələdə Suriyaya ildə 1,2 milyard kubmetr təbii qazın ixracı planlaşdırılır. Qaz Türkiyənin Kilis şəhəri vasitəsilə Hələb və Homsdakı elektrik stansiyalarına çatdırılacaq və elektrik enerjisi istehsalında istifadə olunacaq. Bu proses nəticəsində 1200-1300 meqavatlıq elektrik istehsalı gücünə nail olunması nəzərdə tutulur.