Ən çox qeyri-neft ixrac edən şirkətlər açıqlandı

“SOCAR Polymer” 2024-cü ilin yanvarında 14,5 milyon ABŞ dolları dəyərində məhsul ixrac edib.

Bu barədə İqtisadi İslahatların Təhlili və Kommunikasiya Mərkəzindən bildirilib. Həmçinin SOCAR-ın Marketinq və İqtisadi Əməliyyatlar İdarəsi 33,1 milyon dollarla dövlətə məxsus subyektlərin qeyri-neft ixracı reytinqində birinci olub.

Ümumilikdə ay ərzində SOCAR-ın müəssisələri 47,6 milyon dollarlıq qeyri-neft məhsulu ixrac edib. Bu göstərici Azərbaycanın qeyri-neft ixracının 21,4 faizini təşkil edib.