İxracatçılara logistika subsidiyası veriləcək

Azərbaycanın qeyri-neft ixracatçılarının beynəlxalq bazarlarda rəqabət qabiliyyətini artırmaq məqsədilə yeni dövlət dəstəyi mexanizmi işə düşür. Baku TV-nin iqtisadi icmalında bildirilir ki, ixracatçılara daşıma xərclərinin bir hissəsinin dövlət tərəfindən qarşılanması üçün logistika subsidiyalarının verilməsinə başlanacaq. Bu mexanizm çərçivəsində ixrac xərclərinin 70%-ə qədərinin kompensasiya edilməsi nəzərdə tutulur. İşğaldan azad edilmiş ərazilərdə fəaliyyət göstərilən sahibkarlar üçün isə bu dəstək daha geniş əhatəli olacaq və bəzi hallarda xərclərin 100%-i ödəniləcək. Logistika subsidiyası ixracatçılara daha uzaq və alternativ bazarlara çıxış imkanı yaradaraq, yerli məhsulların xarici satış qiymətinin aşağı düşməsinə və "Made in Azerbaijan" brendinin qlobal miqyasda möhkəmlənməsinə xidmət edəcək.