KazMunayQaz və SOCAR Qazaxıstan neftinin Azərbaycan ərazisindən nəqli ilə bağlı saziş imzalayacaq

“KazMunayQaz” SOCAR-a Qazaxıstanda geoloji kəşfiyyat işləri ilə bağlı layihələri nəzərdən keçirməyi təklif edib.

Bu barədə “Trend”ə “KazMunayQaz”ın İdarə Heyətinin sədri Maqzum Mirzəqaliyev deyib.

Sədrin sözlərinə görə, “KazMunayQaz” SOCAR ilə münasibətlərin yalnız nəqletmə məsələləri ilə məhdudlaşmamasını istəyir.

O bildirib ki, 2023-cü ildə Qazaxıstanda yerin təkindən istifadəyə dair Təkmilləşdirilmiş Model Müqavilə qəbul edilib. Bunun sayəsində geoloji kəşfiyyata, eləcə də mürəkkəb yataqlarda hasilatla məşğul olan investorlar üçün ən yaxşı şərait yaradılacaq.