Kəlbəcərdə “yaşıl enerji”nin inkişafı | “Yuxarı Vəng“ SES-in önəmi - COP BAKU

Baku TV-nin “COP-BAKU” media layihəsinin yeni buraxılışı yayımlanıb.

Bu dəfə işğaldan azad edilmiş Kəlbəcər rayonunun “yaşıl enerji” potensialından və gücü 22,5 meqavat olan “Yuxarı Vəng” Su Elektrik Stansiyasının əhəmiyyətindən danışılıb.

Qeyd edilib ki, Kəlbəcərin bütün enerji tələbatını ödəmək iqtidarında olan “Yuxarı Vəng” SES mərkəzləşmiş SCADA sisteminə inteqrasiya olunub və kənar müdaxilənin qarşısının alınması üçün kibertəhlükəsizlik tədbirləri görülüb.

Vurğulanıb ki, stansiyanın tikintisi zamanı çaydakı balıqların zərər görməməsi üçün mühəndislər xüsusi qurğulardan da istifadə ediblər: “Onların çayda təhlükəsiz şəkildə yaşamasını təmin etmək üçün bu cür xüsusi hidrotexniki qurğular tikilib. Bu avadanlıqların sayəsində balıqlar stansiyanın fəaliyyəti zamanı heç bir problemlə qarşılaşmadan suda hərəkətlərini rahatlıqla davam etdirirlər”.

Bu stansiya il ərzində 66 milyon kilovat-saatadək “yaşıl enerji” ərsəyə gətirəcək. Bu da 15 milyon kubmetr təbii qaza qənaət edilməklə 27 min ton karbon emissiyasının qarşısı almış olacaq.