Pleyeri seçin:
Konsorsiumdan birgə müəssisəyə doğru | "Tatneft" rəsmisindən açıqlama
“Azərbaycan Dövlət Neft Şirkəti, Qazaxıstanın “KazMunayQaz”, Rusiyanın “Tatneft” və Özbəkistanın “Uzbeknefteqaz” şirkətlərinin iştirakı ilə yaradılan konsorsiumun gələcəkdə “birgə müəssisə” hüquqi statusu ala biləcəyi istisna edilmir. Məsələ üzərində müzakirələr aparılır”.
Bu barədə “Report”a açıqlamasında “Tatneft”in sənaye təhlükəsizliyi, əməyin mühafizəsi və ekologiya üzrə baş direktor müavini Azat Habibrahmanov bildirib.
Onun sözlərinə görə, “Tatneft” artıq Azərbaycanda bir sıra layihələr, o cümlədən “Bibiheybət” yatağının işlənməsi, fiziki tədqiqatların aparılması, proseslərin rəqəmsallaşdırılması, biotexnologiyaların tətbiqi ilə “yaşıl təşəbbüslər”in təşviqini həyata keçirir.
Hazırda konsorsiumun fəaliyyətinin 9 əsas istiqaməti müəyyən edilib və ilin sonunadək prioritetləri dəqiqləşdirmək üçün onların yenidən nəzərdən keçirilməsi planlaşdırılır.
Kopyalandı
#Tatneft şirkəti teqi istifadə olunub
Seçilmişlər
