Naxçıvanda milyonlarla manat mənimsənildi
Hesablama Palatası 2023-cü il üzrə İş Planına uyğun olaraq, bu il fevralın 15-dən martın 18-nə qədər Naxçıvan Muxtar Respublikası Kənd Təsərrüfatı Nazirliyində apardığı yoxlamalar nəticəsində milyonlarla manat mənimsəmə aşkarlayıb.
“Report”un ali audit qurumuna istinadən yaydığı xəbərə görə, yoxlamalar 2021-2022-ci illər üzrə ümumilikdə 27 milyon manat vəsaiti əhatə edib ki, bunun da 1.6 milyon manatı saxlanma xərcləri, 25.4 milyon manatı isə subsidiya ödənişləri ilə bağlı olub.
Audit nəticəsində subsidya verilməsi üçün ayrılmış vəsaitin 57.2 %-nin əsassız xərclənməsi müəyyən edilib. Bu isə subsidiya sisteminin düzgün qurulmamasına, uzun müddət nəzarət mexanizminin tətbiq edilməməsinə görə, həmin fəaliyyət üzrə yüksək risklərin yaranmasına gətirib çıxarıb.
Bundan başqa, aqrar sahədə subsidiya üzrə ölkə prezidentinin fərmanları düzgün tətbiq edilməyib. “Kənd təsərrüfatı məhsulları istehsalının subsidiyalaşdırılması” Qaydasının və digər qanunvericilik aktlarının tələblərinə əməl edilməyib, “Elektron Kənd Təsərrüfatı İnformasiya Sistemi” Naxçıvanda tətbiq olunmayıb, nazirlikdə müvafiq işçi qrupu yaradılmayıb, kütləvi informasiya vasitələrində məlumat dərc olunmayıb, kənd təsərrüfatı istehsalçıları üzrə monitorinq və qiymətləndirmə aparılmayıb.
#Naxçıvan teqi istifadə olunub
- İran Naxçıvanı vurduğunu necə ört-basdır edir? - "Şübhəli məqamlar var" - Zərbənin bilinməyənləri
- Müəllimlər dron hücumu zamanı yaşanan dəhşətli anlardan danışdı - Baku TV
- "Az qala uşağımın başına..." | İranın dəhşətli PUA hücumu zamanı nələr yaşandı? - Baku TV
- Dünya liderlərindən Prezidentə zəng | İran səfiri Azərbaycan XİN-ə çağırıldı - YENİ BİR SƏHƏR
- İranın PUA ilə vurduğu Naxçıvan hava limanında son vəziyyət | Əməkdaşımızdan açıqlamalar - Baku TV
