"SOCAR Georgia Petroleum"un rəhbəri Gürcüstanın strateji mövqeyindən bəhs etdi - Baku TV

Gürcüstanın nəqliyyat-logistika inkişafı üçün əsas çağırış kimi dəmir yolu infrastrukturunun məhdud buraxılış qabiliyyəti və neft məhsulları üçün anbarların yetərsiz həcmi qalmaqdadır.

"Report"un məlumatına görə, bunu "SOCAR Georgia Petroleum"un kommersiya departamentinin rəhbəri Mirzə Şavqulidze bildirib.

Onun sözlərinə görə, Gürcüstanın Xəzər və Qara dənizləri arasındakı strateji mövqeyi neft və neft məhsullarının tranziti üçün əhəmiyyətli imkanlar açır, lakin bu potensialın reallaşması birbaşa infrastruktur məhdudiyyətlərinin aradan qaldırılmasından asılıdır.

O vurğulayıb ki, hazırda Gürcüstan regional logistikada daha əhəmiyyətli rol oynamaq iqtidarında olan müasir və dinamik inkişaf edən bir bazardır:

"Perspektivdə əsas vəzifələr olaraq, ilk növbədə, özəl biznesin hesabına anbar güclərinin artırılması, eləcə də yükdaşımaların yüksək sürətini və səmərəliliyini təmin etmək üçün vaqon parkının genişləndirilməsi qalmaqdadır".